Leadership Vacuum?

Ang Sabi ni Juan

Leadership Vacuum?

Ang sabi ni Juan kay GMA na komento

Na may “leadership Vacuum” sa ating gobyerno

Kanya raw inisip kung ito nga ba ay totoo

At ano ang basehan ni Congresswoman Arroyo?

Agad pong nag-flashback sa alaala ni Juan

Ang mga nangyari sa buwang nagsidaan

Sa panahon nang “crisis” si PNoy ba ay nasaan

At ang mga ito, agad ba n’yang natugunan?

Ang unang pagsubok sa liderato niya

Ay ang hostage sa Luneta na nauwi sa trahedya

Buhay ng mga turista ang dito ay nakataya

Pero bilang Presidente, meron ba siyang ginawa?

Ang “impact “ po nito ay pang buong mundo

At ang “foreign relation” dito ay apektado

Hindi po yata naisip ni PNoy Aquino

Na ang kanyang leadership, pupulaan dito

Sa ngayon ay “domestic” ang atin pong crisis

Na ang apektado mamamayang nananangis

Sa patuloy na pagtaas ng presyo ng langis

Ang “domino effect,” sa mahirap nagre-reflect

Ang mga negosyanteng, sadista at buwaya

Sa presyo ay enjoy sa pagmamanipula

Ang suweldo po naman ng obrero’t manggagawa

Nananatiling “stagnant” sa gitna ng lawa

LTFRB’y binasbasan, fare hike ng sasakyan

Sa taxi at sa jeep, pasahe ay dinagdagan

Ang Metro Manila bus, ganoon din ang provincial

Hindi po nagpahuli, agad silang nagsunuran

Sa gitna ng crisis na nag-aalimpuyo

May dialogue si PNoy sa sensitibong mga isyu

Siya daw ay “HANDS OFF”, kahulugan ba nito’y ano?

Sagot ng katoto ko, “Bahala na raw tayo”

Ang katuwiran niyang ito’y, dahil sa nagaganap

Na pagtaas ng bilihin na hindi po maawat-awat

Ganoon din sa presyuhan ng langis na inaangkat

At serbisyong transportasyon na sobra na itong impact

Ang hands off niyang ito’y "pinulot" ni Gloria

Kaya leadership vacuum, kanya pong winika

Ang isa pong Presidenteng ganito lagi ang dada

Para tayong walang lider na namamahala

Si PNoy ay iniluklok ng tao sa kanyang trono

Sa pag-asang sa crisis nga, meron tayong kabalyero

Ang hands off niyang bukang-bibig, kapag ora de peligro

Ay asal ng isang duwag na sa giyera’y tumatakbo

Ang payo ni Juan kay Pangulong Noynoy

Sa ganitong sitwasyon, huwag siyang maging “abnoy”

Dapat siyang manindigan, ang masa ay ipagtanggol

Presensiya n’ya’y ipadama, kahit saan pa humantong

Malayang Isip

Dimasalang, Philippines

April 18, 2011