This is my Point

Ang Sabi ni Juan

This is my Point

Ang sabi ni Juan hindi raw po pulitiko

Titikim ng pilantik n’ya sa pagkakataong ito

Ang tao pong ito, isa lamang ordinaryo

Pero ang ginagawa may bahid ng panggagago

Siya’y dating katoto na minsa’y nabisita

Dahil ang wall ni Malaya kanya pong nakita

Sa “link” nitong itinanim, nagkomento siya

“What’s the point?” daw po, katanungan niya

Sa pinagtanungang link, wala namang isyu

Na dapat niyang komentuhan o bigyan ng kuro

Nakatala lang kasi dito mga dating “komikero”

Na inaalala ni Malaya, para bigyan ng kredito

Wala rin sanang masama sa tanong ng katoto

Na tinawag ni Malaya na “pakialamero”

Kaya lang siya nabuwisit eksaktong labing-pito

What’s the point? na itinala, inulit-ulit n’yang komento

Ang ganito daw “buwisita”, isa pong “barumbado”

Na sa FB wall ng iba ay “walang respeto”

Kung wala daw magawa, kay Juan na payo

Iuntog na lang daw n’ya, sa pader ang ulo

Kung itatanong daw n’yo pagkakakilanlan

Nai-delete na ni Malaya ang kanyang pangalan

Sapat na ring malaman n’yo na dati siyang ka-larangan

At ngayon lang  nakurong ulo niya'y walang laman

Ang sabi ni Juan okey lang na magpalitan

Ng mga komentaryo sa isyu ng talakayan

Pero ang komento na sa tantiya niya’y nang-aasar

Siguradong sa pilantik, meron siyang kalalagyan

Malayang Isip

Dimasalang, Philippines

April 25, 2011