Asal Aso sa Senado?

 Asal Aso sa Senado?

Ang sabi ni Juan, s’ya raw po’y nagbabalik

After 3 years of “hiatus” sa patula n’yang panitik

Sa dami ng isyung, laganap daw sa paligid

Latigong mga letra ang ipangha-hagupit

Una n’yang hahatawin, ang senador na palalo

Na sa pambu-bully daw, nangunguna sa numero,

Akala n’ya’y yakang-yaka, senador n’yang katoto

At madadaan lang sa pormang mala-macho

Dahil “attack dog” s’ya ng among dilawan

Kagat dito, kagat doon, kahit sino’y babalingan

Kahit ‘di maka-Digong kanya ring kakahulan,

Sa pag-aakalang si Duterte ang kinakampihan

Ngayong nasa Ethics Committee, kanyang kaso

Dahil sa kagaspangan at etikang “asal aso”

Ang kanyang kapalaran ‘di natin mapipiho

Kung kapwa senador n’ya, puputulan s’ya ng ulo

Sa opinion nitong si Juan, dapat  na ma-expell

Senador na sa tingin n’ya’y, basang-basa na ang papel

Ang senado’y institution na kailangan daw sagipin

At member na “barumbado”, sa plenaryo ay mag-farewell

Ang usapin daw po dito hindi lamang “anti” o “pro”

Kundi ang etikang ina-adopt nilang miyembro

Kung senador daw ay “bully” at ugali’y parang aso

Sa city found ito dalhin, para turuang rumespeto

Malayang Isip

Dimasalang, Philippines

Sept. 12, 2017

Pork Barrel Scam

Ang Sabi ni Juan:

Pork Barrel Scam (2013)

Ang sabi ni Juan, na sandaling nanahimik

Sa nagdaang mga isyu na sumasagitsit

Sa diyaryo, sa TV at radyo’y maririnig

Pangalang “Napoles”  sa Facebook  ri’y nababanggit

May “scam”  daw po kasi na umalingasaw

Sa panahong si P-Noy po, sa kariton n’ya nakasakay

Ang tuwid na daan pong  kanyang tinatanaw,

Tila nalambungan, ng kuwentong masangsang

May katuwirang maiyak ang pari’t mga madre

Sa ganitong kuwentong, involved po’y mga “sakre”

Sa gitna ng paghihirap, kagutumang nangyayari

Iilang tao lamang daw po,  nahihiga sa salapi

Salaping hinihigan, dugo’t pawis ang puhunan

Nating manggagawang, gatasan ng pamahalaan

Senador po’t  kongresista  na ating  inihalal

Ang siyang “kapural” po ng “mamemekeng kawatan”

“Pork barrel” ng Senadores at atin pong kongresista

Ang dito ay nagagamit, nadadambong ng walanghiya

Mga “bogus”  na Foundation, milyon-milyo’y nakukuha

At ito ngang si Napoles raw, di-umanong nagbubulsa

Naglabasang “whistle blowers” ay tauhan ni  Napoles

At siyang nagsasaysay sa ginawang pangra-raket

Ang pera pong nasa kaban, at galing sa ating buwis

Sa “bath tub” po ni Janet Lim pinagkasya’t isiniksik

Ang hirit ni Mandy, madaling  “magtanga-tangahan”

Sangkot na Senadores at Kongresistang  makakapal

Gigisahin  lang daw dito’t sa kawali’y isasalang

Si Napoles na “coal magnate” ang  “sacrificial lamb”

Ang  sabi ni Juan, kung wala raw kunsensiya

Mambabatas na “dishonorable”  at “kapal muks” na talaga

Hintayin na lang nating, tabunan daw po ng lupa’t

kaluluwa nila’y mahatulan, si “Taning”  na ang bahala

.

Malayang Isip

Dimasalang, Philippines

Agosto 16, 2013

Sabah Crisis

Ang Sabi ni Juan:

SABAH CRISIS

Ang sabi ni Juan, sa gobyerno ni P-noy

At sa adviser n’yang, mahihiya itong bopol

May bagay po silang, ino-ogoy-ogoy

Na akala’y bale-wala’t, hindi mag-aapoy

Trahedya sa Lunetang, ang hostage ay  tourist

Napatay sa pag-rescue, dayuhang mga intsik

Ito’y ‘di sineryoso ni  P-noy na bagong panhik

Na sa termino n’ya, nagdulot ng unang batik

Ngayon nama’y “Kiram letter” ang siyang dinedma

Na kung pinansin  sana, walang “stand off” sa Sabah

Dahil nga po nainip na, Sultanate na tagapagmana

Nag-alburoto’t ang naisip, gumamit na  ng sandata

Ngayong ito’y umapoy na’t, tila ‘di na maaawat

Gasolinang “pananakot” si Noynoy ang nagpatak

Sa halip na maapula, lalo nitong pinalawak

Nag-resulta ng kamatayan, dugo na ang nagsi-tagas.

Ang sabi ni Malaya, ang isyu ng  “Sabah claim”

Ay usaping ‘di madali, kung atin pong lilimiin

Ito ay kasaysayang, matagal na ring inilibing

Na ngayon ay ibinangon, sa taong Twenty Thirteen

‘Di po natin inaalis, lider natin ay mag-ingat

Lalo’t itong conflict ay usapin pong pang-labas

Si Kiko ay umaasang lider natin ay titindig

Sa pakikipag-usap sana, may “balls” sila’t tipong “astig”

Pilipino ang pinapatay, nililipol po sa Sabah

Na ang tanging inaasam, lupaing minana pa

Hangad din po nitong si Juan, mundo sanang nakakita

Kondenahin ang Malaysia, sa mali nitong ginagawa

Di nga po ba’t itong UN, nagtayo ng arena

At ganitong mga isyu, doon dapat maresolba

Ang Sultanate at Malaysia,  maglahad ng ebidesiya

Sa kung sino ang may-ari, alas nila’y ipakita

Si Juan, Kiko at Malaya, ang pahatid ay simpatiya

Sa kapatid nating Muslim na pinapatay po sa Sabah

Kung may “ AVENGERS”  sana silang makukuha

Agad-agad isasabak, Malaysian forces ay humanda

Si “VERGIL” po’y available, ang sabi ni Mandy

Si “KALASAG” ewan daw n’ya kung papayag si Jeffrey

Ang “ANIMEN” nitong si Ron ‘di rin alam kung sasali

Kasama ang “REAPER” ni Nald, kung ito rin ay o-okey.

Malayang Isip

Dimasalang, Philippines

March 10, 2013

Bangsamoro Framework Agreement

Ang Sabi ni Juan:

Bangsamoro Framework Agreement

Ang sabi ni Juan siya raw po ay umaasa

Kapayapaan sa Mindanao, atin nga pong makita na

Sa agreement na nilagdaan, ito sana ay magbunga

Umani ng kaunlaran, matigil na itong giyera

Ngunit ‘di po nararapat na tayo ay makalingat

Sa agreement ay tumutok, “himayin ang nakasulat”

Baka raw po meron ditong, konting “lason” na lumigwak

Na kapagka natukasan, nagnanaknak na ang sugat

Ang ka-deal daw po natin, ang nais ay magsarili

Mindanao ay pirasuhin sa gustong sukat at laki

Magtayo po ng gobyerno at sarili nilang army

Na ‘di saklaw ng Pilipinas, wala na po tayong paki

Ngunit ngayon pa lamang,  meron na pong sumasawsaw

Si Misuari na dati po’y kasama sa kasunduan

Ito po ay nagsasabing, sisiklab daw ang digmaan

Dahil ‘di raw sila pabor sa agreement na pinalutang

Bukod dito’y meron pa pong sa MILF, humiwalay

Si Umbra Kato na kumander, at palaging pumapatay

Ito po ang mga bantang, kay Juan po ay natatanaw

Problema na possible pong,  sa “future”  ay magsilitaw

Ganoon pa ma’y,  nararapat na tayo ay "positibo"

Na sana nga sa agreement, itong giyera ay mahinto

Di rin dapat mapiraso, itong ating teritoryo

At saklaw pa ng Pilipinas, ang kanilang “Bangsamoro”

Malayang Isip

Dimasalang, Philippines

October 15, 2012

Cyber Crime Law

 Ang Sabi ni Juan:

Cyber Prevention Act

Ang sabi ni Juan, totoo raw pong may hangganan

Kalayaang mamahayag nating mga individual

Kung ito’y gagamiting “walang basis”  at  “pawang foul”

Hataw doon hataw dito, tamaan na ang tamaan

Ngunit kung ang pagsikil,  at  layunin po nito

Musikang ikukumpas, gusto lang nitong maestro

Ito ang hindi dapat, payagan ng mga tao

Agad-agad na tutulan, kondenahin si  “Pilato”

Pero itong si Juan, hindi raw po natatakot

Sa Cyber Prevention Act na sa kongreso’y pinalusot

Sa  pilantik ng panitik niya’y  hindi raw po malilimot

Punahin ang mga taong sa ‘ting bayan ay balakyot

Hindi rin daw sapat  itong, paurungin ang kanyang dila

Mga mata’y ‘di rin pipikit sa  indak ng mga  “linta”

‘Di rin daw n’ya gagapusin, ang kamay n’ya na may pluma

At daliring sa keyboard ay palagi pong tumitipa

Sakali pong merong “ungas” na sa kanya ay sisita

At demandang libelo po, sa lingkod n’yo’y itutudla

Siya raw po ay  nakahandang,  harapin ang sistema’t

Ipaglaban ang katwiran  sa baluktot na paniwala

Ang freedom of speech sa saligan nating batas

Ang dapat na mangibabaw sa batas na sumasapaw

Mga “bugok” at “gago” lang ang dito ay pumapatay

Na dapat po ay ibitin, ipakagat po sa langgam

Ang payo ni Juan,  lahat  tayo ay tumutok

Sa batas na ninanais, na sa tao ay ipalunok

Kung meron pong isiningit at dito ay isinahog

Gumawa sana nito, tamaan ng pitong kulog

Malayang Isip
Dimasalang, Philippines

October 2, 2012