Kapit -Tuko

Ang Sabi ni Juan

Kapit Tuko

Ang sabi ni Juan, may naiwang aso

Ang reynang nanaog sa kanyang palasyo

Ngayong ang hari na si Noynoy Aquino

Ang asong "nagtulog", lumalaban na po

Gusto ng bagong hari, mapatalsik na ito

Upang karitong hinihila, bumilis ang takbo

Ang mga kapalpakang ginawa po nito

Ang siyang lilitisin sa ating senado

Ang pinunong aso, may sariling kampo

Meron siyang "deputy", prosecutor na kaalyado

Nang sibakin ng hari kanang kamay po nito

Pusturang lalaban, hanggang meron pong dulo

Ang deputy ombudsman, posisyong appointee

Kaya matatanggal ng bago pong hari

Ngunit hindi nga po ganito kadali

Dahil lalaban po hanggang huling sandali

Kapag nanatili pa ganitong opisyal

Tanggapan ng Ombusdman, siyang mawiwindang

Ang kailangan po natin mga taong mararangal

Na gaganap sa tungkulin na sa kanila’y iniatang

Ang sabi ni Juan, “delikadesa’y” ‘di na uso

Sa ating gobyernong “kapal muks” ang namumuno

Kawalan sa kanila ng tiwala, ‘di nila iniino

Kahit pa po isuka na, sila pa ri’y “kapit-tuko”

Malayang Isip

Dimasalang, Philippines

April 4, 2011