Talentadong Pinoy: Joseph, the Artist

Ang Sabi ni Juan:

Talentadong Pinoy

Joseph The Artist

Ang sabi ni Juan siya daw ay bumilib

Sa isang ka-tribo’t mahusay na artist

Ang kanyang talento, sadya nga pong unique

Dahil sa pag-drawing, buhangin ang ginagamit

Ang kanyang presentation ay komiks na komiks

Na pinatatakbo sa larawang iginuhit

Kahit daliri lang ang kanyang ginagamit

Pagkaka-execute n’ya, sadya pong malinis

Kanyang ipinakita, takbo ng istorya

Sa pagpapalit n’ya ng mga eksena

Habang nanonood, visual nating makikita

Ang buod ng kuwento, na siya ang may akda

Ito’y katha’t guhit, kung baga sa komiks

Na tinta at papel ang siyang ginagamit

Pero TV viewers totoo pong naakit

Dahil kakaiba, pagtirada ng artist

Sa kanyang panalo bilang talentado

Si Juan at si Mandy, ay sumasaludo

Sa kabila ng kapansanang, ang sanhi ay polio

Si Joseph ay nagsikap, sarili ay itayo

Ang sabi ni Juan, siya ay natutuwa

Dahil isang “artist” nakakuha ng gantimpala

Bagamat buhangin, ginamit n’ya na pang-likha

Obra niyang ginawa, komiks pa rin itong mukha

Malayang Isip

Dimasalang, Philippines

March 14, 2011