Ang Sabi ni Juan:

Live Coverage: Ampatuan Massacre Case

Ang sabi ni Juan, sa kaso ng Ampatuan

Na sa buong mundo ay nagpagulantang

Nangyaring massacre sa bayan ng Maguindanao

Isa sa nagpadilim sa ating kasaysayan

Maraming humihirit na ito’y makita

Sa live coverage ng ating mga media

Maging si PNoy na pangulo ng bansa

Ay pumapabor din at nakikisimpatiya

Hiling din ng kaanak ng mga biktima

Na lubhang apektado at siyang nagdusa

Kung maaari’y sa TV kanila raw makita

Ang paglilitis ng kaso sa mga nagkasala

Ang sabi ni Juan, totoong mahirap

Na magparoo’t parito ang maraming kaanak

Gastos na sa biyahe at kaloobang umiiyak

Sobra na ang pasanin sa hustisyang hinahanap

Sa Korte Suprema nakatuon ang tao

Kung kanila bang pagbibigyan o ire-reject ito

Ang sabi ni Juan, sana’y huwag mabigo

Kahilingan ng marami na sa kanila’y sumasamo

Malayang Isip

Dimasalang, Philippines

Nov. 25, 2010