A Child No More

Ang Sabi ni Juan:

A Child No More

Ang sabi ni Juan, natatawa siya kay Soliman

Sa ‘di po pagpabor na ang idad ay babaan

ng mga batang “offender” na disiotso ang gulang

At gumagawa po ng krimen, sa ating lipunan

Ang tingin ni Dinky, younger than eighteen ay bata pa

At considered “child” pa rin, gaya ng nakatala

sa RA 9344, eighteen years old daw pababa

ay wala pa raw “dunong” sa kanilang nagagawa

Sa halip daw na ibaba, ang naturang age limit

Sindikato ang tugisin na sa bata’y gumagamit

Ang pahayag niyang ito, lagi na pong bukang-bibig

At terminong ginasgas na, sa problemang nauulit

Ang sabad ni Mandy, kanya raw po na opinyon

Ang disiotso pababa, sumobra sa limitasyon

Kahit dose anyos lamang, ganap na raw itong dunong

At unawa’y mulat na rin sa gagawing mga aksiyon

Sa ilang relihiyon, dose anyos daw pong idad

Sa pag-unawa ng doktrina, meron na siyang kapasidad

Sa landas na pupuntahan at kanyang nilalakad

Alam na n’ya ang mabuti at gawain ng mga “bad”

Disiotso anyos daw po sa lalaking Pilipino

Kasibulan, kalakasan, sa pisikal nilang anyo

Kadalasan ay puwede n’gang siya na ang mamuno

sa sindikato o ‘di kaya’y bagong gang na ang itayo

Sa lalaki’y matinik din, may idad na disiotso

Kung magbilang po ng girlfriend, daliri n’yo’y hindi husto

Ang babaeng hahakbangan, tiyan din po’y lumolobo

Ganito ba ang child ninyo, na sa dunong kulang pa po?

Ang payo ni Juan, sana daw po ay limiin

ng tao na nagsasabing disiotso ay child pa rin

Baka raw po sa “retarded” itinulad, inihambing

Ang modelong iniakma nang RA 9344 ay sulatin

Malayang Isip

Dimasalang, Bulacan

Sept. 16, 2011