When Money Speaks...

Ang Sabi ni Juan:

When Money Speaks…

Medyo raw po siya natuwa, ang sabi ni Juan

Na merong isang hukom, sa paglabag nahatulan

Twenty seven years in prison, ipinataw ng Sandigan

Sa kanyang naging kasong three count ng katiwalian

Di umano’y nagpalibre ang naturang hukom

Nang siyam na buwan sa isang gasoline station

Dose mil kinyentos naman sa pag-aalis ng injunction

At forty thousand daw, sa pondo ang dinambong

Ang lahat ng ito po’y may kaugnayan sa kaso

Na sa kanyang sala’y nililitis ang merito

“Pangongotong” po ng hukom dito ay nabisto

Kaya naman nakasuha’t sa Sandigan ay natalo

Nguni’t ito ay “butil” lang sa dami ng mga hukom

Na sa ating mga korte, naglisaw at naglimayon

‘Di lang libo ang “lagayan”, meron din daw milyon-milyon

Na sa ating justice system, sadyang nga pong lumalagom

Si Judge Tabang ng Tacurong isa lamang sa tiwali

Sa maraming mga judges na ganito ang naging gawi

Ang “ayusan” po ng kaso, talamak daw at palagi

Abugado’t mga hukom ang promoter nito’t sanhi

Komento ni Mandy, huwag daw tayong magtataka

Kapag may nabalitang, isang “drug lord” pinalaya

Ebidensiyang malalakas bigla na lang humihina

At ang testigong nagtuturo bigla na lang nawawala

Ganoon din po sa TRO na madaling nakukuha

At sa hukom na nag-isyu, tila kaso’y bale wala

Asahan daw na dito ri’y nangyayari ang “himala”

Lalo na’t ang nasasangkot sa salapi’y pinagpala

Ang sabi ni Juan sa Timothy six-ten nakapaskil

Ang “the love of money” daw “is the root of all evil”

Si Mandy na nakikinig, tumatango’t nailing

At ang wika’y “when money speaks, the truth is silent” din

@ Malayang Isip

Dimasalang, Philippines

September 24, 2011