The Art of Doing Nothing

Ang Sabi ni Juan

The Art of Doing Nothing

Ang sabi ni Juan marami ang natutuwa

Sa desisyong inilabas ng Korte Suprema

Sa botong pito-lima, inulit lamang po nila

Ang motion ni Gutierrez, ganap na pong nabasura

Kasabay po nito, natuloy din sa kamara

Ang pagdinig sa impeachment, na nakakasa

Sa justice committee, thirty nine po sila

Ang bumoto ng pabor, laban din sa kanya

“Betrayal of Public Trust”, ito po ang akusa

Dahil sa pag-upo n’ya, sa mga kasong naisampa

Ito po ang dahilan, kaya ngayo’y malaya pa

Si Bolante et al, patuloy na gumagala

Ang sabi ni Frank, sa kanyang hinaing

Si Merceditas daw po, nagpa-praktis ng sining

Sining po ng ano? Singing ba o painting

Ang tugon ni Chavez, “The Art of Doing Nothing”

Ang kanya pong talento na “delaying tactics”

Ay ‘di rin umubra sa ‘ting representatives

Maging ang “pautot” n’yang mga press conference

Ay wala ring saysay at hindi effective

Ang sabi ni Juan, nangyari na ang himala

Sa ating Ombusdman, kidlat po ay tumama

Hindi lang po isa, ku’ndi dalawa pa

Na pawang na-direct hit si Aling Merceditas

Ngayon po ay nakatuon, sa “Aso” ang bayan

Kung siya po ay magre-resign, o tuloy ang laban

Dalawa na pong talo ang kanyang naranasan

Sa ikatlo po ay possible, kanya ng katapusan

Malayang Isip

Dimasalang, Philippines

March 8, 2011