Impeachment Trial

Ang Sabi ni Juan:

Impeachment Trial

Ang sabi ni Juan siya ay natutuwa

At napa-palakpak din sa narinig na balita

Matagal na kasi siyang umaasam ng "himala"

Na “kidlat” po sana, sa Ombudsman ay tumama

Sa botong pito-lima ng Korte Suprema

Petisyon daw ni Gutierrez ay ibinasura

Inihain pong impeachment ng ating kamara

Tila raw gugulong rin, para siya ay masipa

Constitutional crisis na puwedeng ibunga

Ng duwelong lehislatura at ng hudikatura

Dahil nga kay Merceditas na nasa gitna nila

Ngayo’y humupa na’t bayan ay nakahinga

Motion for Reconsideration tiyak na ikakasa

Ng kampo ng Ombusdman sa Korte Suprema

Umasam po tayong muli itong mabasura

Upang ang proseso, magtuloy-tuloy na

Sa impeachment trial ating makikita

Tikas at talino ng atin pong kongresista

Dito po dating “reyna” kasama na rin nila

Na tiyakang susuporta sa dating “aso” niya

Bayan ay magmamasid sa kanilang sarsuwela

Bayan din ang hahatol, kung sino nga ang bida

Ang “tapat” at “taksil” atin pong makikita

Sa aksiyon at salita, mauuri natin sila

Ang sabi ni Juan, tayo ay magkaisa

Pinuno po ng Ombusdman ay mapalayas na

Kaso ng katiwaliang, inupuan lamang niya

Magkaroon na ng ending, panagutin ang may sala

Malayang Isip

Dimasalang, Philippines

February 16, 2011